Hotel Ullensvang på Lofthus i Hardanger kledd i vinterfargar Foto: Yrjan Olsnes
Poker og handbak berger heilårsdrift for Hotel Ullensvang
Arrangements-turisme har sikra Hotel Ullensvang i Hardanger arbeidsplassar og drift heile året.
Artikkelen fortsetter under annonsen
HARDANGER: – Me opplever ein stor pågang av turistar, men også aktørar som ynskjer å bruka hotellet til arrangementa sine. Dette er noko av det viktigaste og luraste me har gjort dei siste åra, seier Christine Remøy, sals- og marknadsdirektør for Hotel Ullensvang.
Sommarene har nærast gått av seg sjølv ved hotellet. Utfordringa for reiselivet er «skuldersesongane» med langt færre turistar. Denne trenden er no i ferd med å snu, skal me tru Remøy. Etter nokre krevjande år med COVID og vinterstengte dører, måtte dei ta grep for å auka aktiviteten.
Remøy og kollegane på det tradisjonsrike Hardanger-hotellet valde å satsa på arrangementsturisme heile året. Det angrar dei ikkje på i dag.
No kan hjørnesteinsbedrifta på Lofthus nemleg sjå tilbake på fleire suksessrike arrangement som har lokka turistar og fylt opp romma i bygda på vinterstid.
Artikkelen fortsetter under annonsenArtikkelen fortsetter under annonsen– For at turistane skal besøka oss, må me ha eit produkt som er attraktivt året rundt. Det har me no. Utan dette på plass, hadde det ikkje vore mogleg å sikra såpass mange heilårs-arbeidsplassar for våre tilsette, seier Remøy i ei pressemelding.
Pokerturnering på Hardanger Open i 2022. I år har talet deltakarar dobla seg. Foto: Stian Sivertsen
Aktivitet avlar aktivitet
Men det er ikkje berre Hotel Ullensvang som opplever gode besøkstal om vinteren. Også andre reiselivsaktørar haustar fruktene av satsinga på arrangementsturisme, opplyser Visit Hardangerfjord i pressemeldinga.
Samarbeid med lokale bedrifter har vore veldig viktig for satsinga. Det å sitja seg ned og saman skapa aktivitet for kvarandre har vore eit fokusområde for Remøy og dei nye eigarane av hotellet.
Artikkelen fortsetter under annonsenArtikkelen fortsetter under annonsenHardanger Vinterfestival, som går av stabelen 09. – 12. februar, er eit godt døme på dette. I tillegg pokerturneringa, som er høgdepunktet i helga, vert det mogleg å ta del i guida aktivitetar med Trolltunga Active og Trolltunga Adventures. Opplevingar som RIB-tur, sidersmaking og SUP på Hardangerfjorden, og det berre for å nemna noko, er også med på å krydra festivalen til Hotel Ullensvang.
Artikkelen fortsetter under annonsenTil helga ventar Hotel Ullensvang rundt 250 menneske som vil ta del i Hardanger Vinterfestival.
Seinare i vinter er det mellom anna planlagt Hardanger Open – ei internasjonal handbak-turnering.
Ordførar Aga Haug skryt av engasjementet og kreativiteten til Remøy og kollegane. Ifylgje han er dette viktig for reiselivet i Ullensvang og Hardanger.
– Heile lokalsamfunnet drar nytte av at Hotel Ullensvang satsar på aktivitetar gjennom heile året. Dei skapar liv i kommunen i ei tid det tradisjonelt sett er rolegare, samstundes som dei sikrar arbeidsplassar. Dette er utruleg bra.
